بدي اشكركم شكر خاص على مواعيدكم اللي بتيجي بالزبط للراحة اللي بكون محتاجاها، امبارح خلصت اخر مشروع الي في الفصل هاد من الكلية وكنت محتاجة ارجع اشوف اشي ياباني لانا لقيتكم مترجمين الحلقة اللي بنتظرها🥺 هونتيني اريغاتو🥰
البنت بتخطف قلبي حلقة عن حلقة، عليهاكمية لطافة خطيرة، حتى خليت اختي تشاهد اخر مشهد وهي بتحكي عنحلمها واول مرة تشوفها للطفلة ودغري حبتها وحكت عنها كيوت كتير، يا بختها انها مثلت مع كينتارو💚🥺 ونيجي هلقيت لكينتارو اول شغلة ضحكني لما حكالها شكرا لك لما حكت الصحفية عن الشاب ابو التطوع انه جدا وسيم😄 قصفت جبهته، وما بعرف بس بحس انه لازم اخر المسلسل هدول الثنائي يحبه بعض، مش كل واحد يستغل التاني بالاشي اللي بدو اياه، حاسةبينهم كيميا لزيزة وكمان حلوين فانا شايفاهم لابقين لبعض🤗 وتاني مشهد لما علا صوته كينتارو على البنت🥺 التنين ملامحهم كانت فظيعة وخصوصا اهوا لما قال انا..بعدها وقف شوية، صوته وعيونه وحركة جسمه كله خطير في خطير هالكينتارو.. بعشقه عشق مش طبيعي واخر مشهد لقلبي لما لبس البدلة🫠 لا تعليق عن جماله، شعر وبدلة وجمال شو بدنا نعمل احنا يعني.. كتير طالع وسيم وكمان ما قدر يسمع باقي كلامها عنه😭😭 وفعلا يستحق كل جملة عنه وخلتنا نحس بكمية العلاقة اللي بينهم، يا ربي منهم انا، بتأثر وبضحك وبنبسط معهم، كتير قراب لقلبي
ورغم كل الاشياء الخطيرة اللي في المسلسل، الحمد لله انه شوداي دوره مكمل معنا في المسلسل مش حلقة والسلام وتيجي تاني مفاجأة الي الدكتور اللي راح يدهر الممثل اللي برضه بعشقه، وحتر لو كان هان مجرم عادي المهم اشوفه🤣 يعني فوق ما المسلسل حلو كل حلقة بضيفه ممثل بحبه، كتير على قلبي..
شكرا كتير على الترجمة🌸💚
وبانتظار الباقي، غامباتيه